Қазақстандықтар мамыр айындағы мерекелерде үш күн қатарынан демалады. Тиісті бұйрыққа Еңбек және халықты әлеуметтік қорғау министрі Светлана Жақыпова қол қойды, деп хабарлайды Altainews.kz тілшісі.

Ведомствоның баспасөз қызметінің ақпараты бойынша, демалыс күні 4 мамыр сенбіден 8 мамыр сәрсенбіге ауыстырылады.

«Қазақстан Республикасы Еңбек кодексінің 85-бабы 3-тармағына сәйкес жұмыс уақытын ұтымды пайдалану мақсатында демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын»,-делінген министрлік бұйрығында.

Осылайша, қазақстандықтар сәрсенбі, 1 мамырда (Қазақстан халқының бірлігі күні) демалады. Содан кейін оларды үш жұмыс күні күтіп тұр.

6 мамырдан басталатын келесі аптада тек 6 мамыр мен 10 мамыр жұмыс күні болады.

7 мамыр (Отан қорғаушылар күні), 8, 9 мамыр (Ұлы Отан соғысындағы Жеңіс күні) – демалыс күндері.