ШҚО онкология және хирургия орталығында 2019 жылдан бастап республиканың басқа облыстарынан, сондай-ақ Италия, Өзбекстан, Ресей сияқты алыс және жақын шетелден 50-ден астам науқас келіп, емделді. Клиникада шетелдік азаматтар үшін "CHECK-UP" пакеттері әзірленіп, ұсынылған.

-Check-up қызметтері дегеніміз бұл дәрігерлердің кеңесімен жоғары дәлдіктегі нәтижелерге қол жеткізуге мүмкіндік беретін диагностикалық қызметтер кешені.

Біздің орталықта "ENCO CHECK-UP" бағдарламаларының бірнеше түрлері  әзірленіп, табысты іске асырылуда. Мысалы,  әйел жыныс жүйесінің  ауруларын диагностикалау үшін "әйел ENCO CHECK-UP",  еркек жыныс жүйесінің ауруларын анықтау үшін "ер адам ENCO CHECK-UP", сондай-ақ асқазан-ішек жолдарының аурулары және тыныс алу органдары ауруларын анықтайтын «ENCO check-up» тексерулері бар.

Бағдарламаға сай,  тексеру және кеңес беру уақыты бірнеше сағаттан үш күнге дейін созылады. Әрбір бағдарлама негізгі және қосымша зерттеулерді қамтиды. Орталық менеджерлері пациент үшін ең қолайлы кестені жасайды және тексерудің әр кезеңінде клиентке кеңес береді, - дейді орталықтың директоры Гүлмира Сағидуллина.

Диагностикадан кейін нәтижелердің сандық көшірмесін бере отырып, маман міндетті түрде емдеу бойынша ұсыныстар мен кеңесін береді. Барлық бағдарламаларға зертханалық диагностика, аспаптық және сәулелік зерттеу әдістері сияқты негізгі және қосымша тексерулер, саондай-ақ мамандардың кеңестері кіреді.

Әлемдік стандарттарға сай келетін медициналық құрал-жабдықтар, озық шетелдік клиникаларда білімдерін жетілдіріп келген білікті медициналық кадрлар, зерттеулердің консультациялық-диагностикалық қызметтердің бекітілген тарифі шегіндегі қолжетімді құны, сапалы сервис – бұлар Шығыс Қазақстан облыстық көпсалалы онкология және хирургия орталығында көрсетілетін «Сһеск-Up» диагностикалық медициналық қызметтерінің негізгі артықшылықтары. «Сһеск-Up» қызметтері туралы ақпарат онкологиялық орталықтың сайтында орналастырылған, көпшілікке  еркін қол жетімді.

Шетелдік пациенттерді тарту және медициналық туризмді дамыту үшін Өскемен қаласында мынадай жұмыстар жоспарланған: орталықтың ресми сайтын жасау, онда оның тарихы, миссиясы, мақсаттары, дәрігерлері, мамандандырулары, қызметтері, бағалары, шолулары, байланыстары және әлеуетті пациенттерді қызықтыруы мүмкін басқа аспектілері туралы толық және сенімді ақпарат беріледі. Сайт бірнеше тілде, соның ішінде орыс, ағылшын, қазақ және т.б. тілдерде қолжетімді болады. Сайтта онлайн кеңес беру функциясы, қабылдауға жазылу, төлемдер  жасау мүмкіндігі болады.

Онкологиялық орталықтың жұмысын әлеуметтік желілерде, блогтарда, форумдарда, Bookimed, Medical Tourism, Patients Beyond Borders және т.б. сияқты медициналық туризмге арналған онлайн-платформаларда ілгерілету жоспарланған. Орталықта емдеудің артықшылықтары мен ерекшеліктері туралы әңгімелейтін, пациенттердің сәтті оқиғаларын көрсететін, жаңалықтар, мақалалар, Бейнелер, фотосуреттер және басқа да материалдарды жариялайтын қызықты және пайдалы мазмұн жасалады. Сондай-ақ туристік агенттіктермен, сақтандыру компанияларымен, медициналық ұйымдармен және басқалармен бірлескен жұмыс жүргізілетін болады.

Медициналық қызметтердің сапасы мен қауіпсіздігінің жоғары деңгейін растайтын халықаралық аккредитациялар мен наградалар алуға дайындық жұмыстары жүргізілуде.

Сонымен қатар, қала тұрғындары мен туристеріне ыңғайлы болу үшін QR коды бар қала картасын орнату жоспарлануда, ол жерден облыс орталығының медициналық мекемелері туралы ақпарат алуға болады.

Сондай-ақ, ТМД аумағындағы медициналық қызметтердің негізгі санаттары, денсаулық сақтауды ұйымдастыру деңгейі, көлік инфрақұрылымы, туристік қызмет көрсетуі, ақпараттық-коммуникациялық технологиялары бойынша зерттеулер жүргізетін туризмнің маркетингтік стратегиясы әзірленді.

ҚР медициналық туризм қауымдастығының өкілдерімен кездесу өткізіліп, онда медициналық туризмді дамыту және медициналық қызметтер экспорты саласындағы ұсыныстарды қалыптастыру мәселелері талқыланды.

 Сонымен қатар, медициналық туризмді дамыту және онкология және хирургия орталығының деңгейін халықаралық стандарттарға келтіру  орталықтың "Хирургиялық корпусының 1-3 қабатын жаңғырту" жобасы аяқталған жағдайда, ғимараттарды күрделі жөндеуден өткізіп, жобада көзделген зертханалық және эндоскопиялық жабдықтармен жарақтандырған  кезде мүмкін болады. Осы жоба бойынша жобалау-сметалық құжаттама мемлекеттік сатып алу рәсімдерін жүргізу үшін ШҚО құрылыс, энергетика және тұрғын үй-коммуналдық шаруашылық басқармасына берілді. Медициналық туризм жобасының әлеуметтік бағыты тек пайда табу ғана емес, сонымен қатар халықтың денсаулығын сақтау мәселесін шешу болып табылады.