Жаз маусымының басталуына орай 19 мамырдан 31 тамызға дейін Өскемен-Зайсан әуе рейсінің саны артады.

Бұған дейін бір аптада төрт рейс болған. Енді аптасына бес рейс жөнелтіледі, деп хабарлайды Altainews.kz тілшісі.

Облыстық энергетика және тұрғын үй-коммуналдық шаруашылығы басқармасы баспасөз қызметінің ақпараты бойынша, ұшақ дүйсенбі, сейсенбі, бейсенбі, сенбі және жексенбі күндері ұшады.

Билеттерді ресми сату орындарынан және https://hisky.kz/#tickets сайты арқылы алуға болады.