Шығыс Қазақстан мен Қытай Халық Республикасы көптеген салаларда табысты ынтымақтасып келеді, деп хабарлайды Altainews.kz тілшісі.

Шыңжаң-Ұйғыр автономиялық ауданының Үрімші қаласында ашылған ЭКСПО халықаралық көрмесі аясында Шығыс Қазақстан облысының делегациясы өзара қызығушылық тудыратын салалардағы әлеуетті серіктестермен бірнеше іскерлік келіссөз жүргізді.

Облыс әкімі Ермек Көшербаев атап өткендей, шекара маңындағы өңірлерде ынтымақтастық үшін барлық жағдай жасалған.

Бұл өз кезегінде шағын және орта бизнестің дамуына серпін береді, яғни қонақ үйлер, кемпингтер, жол бойындағы қызмет көрсету нысандары ашылып, қонақтарға арналған бос уақыт өткізу шаралары ұйымдастырылады. Жалпы, өңірдің ыңғайлы орналасуы ескеріле отырып, Шығыс Қазақстанда экономиканы әртараптандыру саясаты жалғасатын болады. Осыған сәйкес қытайлық серіктестер өз нарықтарын және мүмкіндіктерді ұсынуға дайын.

Фото: Аяужан Утеулинова