Ферроқорытпа зауытында зардап шеккен жұмысшылардың бірі қайтыс болды
шартты сурет: depositphotos.com
Қарағандыдағы ферроқорытпа зауытында апат болып, сегіз жұмысшы ауруханаға жеткізілген болатын. Жұмысшылардың бірі қайтыс болды, деп хабарлайды Altainews.kz сайты.
Дәрігерлер алты пациенттің жағдайы өте ауыр деп мәлімдеген.
"Дәрігерлер қолдан келгеннің бәрін жасағанымен, Қарағанды ферроқорытпа зауытында зардап шеккен жұмысшыны аман алып қала алмады. 1993 жылы туған, денесінің 85 пайызы күйіп қалған, осы уақытқа дейін өте ауыр жағдайда болған науқас қайтыс болды", - делінген облыстық денсаулық сақтау басқармасының хабарламасында.
Еске салайық, бұған дейін Желіде ферроқорытпа зауытындағы төтенше жағдай кезінде зардап шеккендердің видеосы тараған еді. Кейінірек төтенше жағдайға қатысты ресми мәлімдеме жасалды.
Ферроқорытпа зауытында болған факт бойынша Қылмыстық кодекстің 156-бабы 2-бөлігі "Абайсызда денсаулыққа ауыр зиян келтіруге әкеп соққан еңбекті қорғау қағидаларын бұзу" бойынша соталды тергеп-тексеру жүргізіліп жатыр.
Оқи отырыңыз
