Тарбағатайда аумағы атшаптырым саябақ ашылды
Тарбағатай ауданында Есенгелді бидің 330 жылдық мерейтойы атап өтілді, деп хабарлайды Altainews.kz тілшісі.
Барқытбел бауырындағы Жаңалық ауылында 1694-1772 жылдары өмір сүрген қайраткер тұлғаның ұрпақтары баба мұрасын дәріптеу мақсатымен саябақ ашып, құлпытас орнатты. Тұғырлы ұрпақтың тағылымды ісі кейінгі буынға үлгі болатыны сөзсіз.
«Өскелең ұрпаққа үлгі болсын деп ауқымды іс шараны қолға алдық. Бір гектар аумақты абаттандырып, ауылға саябақты тарту еттік. Мұнда шағын футбол, волейбол, баскетбол, воркаут алаңымен қатар, шағын сахна да бар. Барлығы да халықтың игілігі үшін. Демек, Есенгелді би Сатыұлының ұлағатты ісінен, әділетті сөзінен үлгі алар тұлғаның есімі ұрпағының есінде мәңгі сақталары сөзсіз деп ойлаймын», - деді «Есенгелді ұрпағы» қоғамдық қорының төрағасы Бақытхан Құнапиянов.
Өз кезегінде Тарбағатай ауданының әкімі жиналған жұртшылыққа мұндай игі істер береке-бірліктің арқасында атқарылып жатқанын атап өтті.
«Тарбағатай ауданы үшін үлкен той, үлкен қуаныш. Есенгелді би Сатыұлының ұрпақтары Жаңалық ауылына саябақ тарту етіп, жерлестерін қуанышқа бөлеп жатыр. Міне тағы да Тарбағатай ауданының халқы ұйымшылдығын, береке-бірлігін дәлелдеп жатқанының куәсі болып отырмыз», - деді аудан әкімі Дархан Жөргекбаев.
Сонымен қатар Есенгелді бидің 330 жылдығына орай Жаңалық ауылында баба рухына ас беріліп, шағын футболдан, волейбол, еркін күрестен аудан аралық жарыс өтіп, аламан және құнан бәйге ұйымдастырылып, өнер жұлдыздарының қатысуымен гала-концерт өтті.
Оқи отырыңыз
ШҚО-дағы ауылдардың бірінде саябақ құрылысы басталдыТарбағатай ауданының іскер азаматтары мен мекеме қызметкерлері өз ауылдарында саябақ салдыӨскеменде аумағы екі гектар саябақ салынадыҚаракерей Қабанбай батырдың 330 жылдық мерейтойы Тарбағатай төрінде ұлықталудаҰлы Жеңіс мерекесі құтты болсын, ардақты ардагерлер!
