Өскеменнің 19-шы шағын ауданында аумағы екі гектар саябақ салынады, деп хабарлайды Алтайньюс тілшісі.

Шығыс Қазақстан облысының әкімі Даниал Ахметовтің тапсырмасымен 19-шы шағын ауданды абаттандырудың кешенді жобасы әзірленгені белгілі. Абаттандыру аясындағы ауқымды жобаның бірі – аумағы екі гектар демалыс саябағының құрылысы. Қазірше саябақтың орны мен жобасы нақтыланбады.

Бұған дейін хабарлағанымыздай, аймақ басшысы 19-шы шағын аудан тұрғындарымен кездесіп, абаттандыруға байланысты кешенді жобаны талқылады.