ШҚО-да ауа райына байланысты бүгін сағат 19.00-ден бастап тасжолдарда бірқатар көлік түрлерінің қозғалысына шектеу енгізіледі, деп хабарлайды Altainews.kz тілшісі.

Айта кетсек, облыс аумағында - 45°С дейін аяз түсуі мүмкін. 

«ҚАЖсервис» ЖШС ШҚОФ ақпараты бойынша, аязға байланысты республикалық маңызы бар автожолдардың барлық учаскелерінде дизельмен жүретін қоғамдық көліктер мен автомобильдердің қозғалысы шектеледі:

1) «Алматы - Өскемен», 1013-1048 шақырымы (Абай облысының шекарасы –

Ұлан ауылына бұрылыс);

2) «Өскемен - Риддер – РФ шекарасы»,15-105, 129-191 шақырымы (Белоусовка кенті – Риддер қаласы – РФ шекарасы);

3) «Өскемен – Шемонаиха – РФ шекарасы», 15-102, 105-123 шақырымы (Глубокое кентіне бұрылыс – Шемонаиха қаласы – РФ шекарасы);

4) «Өскемен – Семей», 10-45, 48-103 шақырымы (Герасимовка ауылы – Абай облысының шекарасы);

5) «Өскемен – Алтай – Үлкен Нарын – Катонқарағай – Рахман қайнары», 6-450 шақырымы (Ушанов ауылы – Рахман қайнарлары);

6) «Омбы – Майқапшағай – Қалжыр – Марқакөл», 0-124 шақырымы (Дайыр  ауылына бұрылыс – Марқакөл ауылы);

7) «Омбы - Майқапшағай», 1103-1256 шақырымы, (Абай облысының шекарасы – Зайсан қаласы).