Елордада және өңірлерде бұл қаражатқа жаңа оқу орындары, ал қолданыстағыларға қосымша ғимараттар соғылады.

Оқу-ағарту министрі "Құрылысы немесе реконструкциясы білім беру инфрақұрылымын қолдау қорының қаражаты есебінен қаржыландырылатын орта білім беру объектілерінің басым тізбесін бекіту туралы" Жарлыққа ағымдағы жылғы 15 мамырда қол қойды, деп хабарлайды Altaynews тілшісі.  Zakon.kz-ке сілтеме жасап.

Билік сыбайлас жемқорлықтан алынған 96 миллиард 495 миллион теңгеге Қазақстанда 62 мектеп салмақ, оның 10-ы (7425 оқушыға арналған) ел астанасында орналасатын болады.

Еліміздің өңірлеріне келсек, ең көп жалпы білім беру мекемелерін салу төмендегіше жоспарлануда:

Алматы облысы – 11 550 орынға 10 мектеп;

Түркістан облысы – 2050 орынға 9 мектеп;

Жамбыл облысы – 2850 орындық 6 мектеп,

Қызылорда облысы  – сыйымдылығы 2175 адам болатын 5 мектеп;

Маңғыстау облысы – 4800 орындық 4 мектеп.

Сонымен қатар Ақмола облысында – 600 орындық 2 жаңа мектеп, Ақтөбе облысында – 620 адамға 3 мектеп, Атырау облысында – 1200 орындық 2 мектеп, Шығыс Қазақстан облысында – 900 оқушыға 2 мектеп, Батыс Қазақстан облысында – жалпы сыйымдылығы 780 адамға арналған 2 оқу орны, сондай-ақ Қостанай және Солтүстік Қазақстан облыстарында тиісінше 1080 және 900 адамға шаққанда 2 мектептен бар.

Жетісу, Ұлытау және Павлодар облыстарында 1200, 200, 312 орындық бір-бірден мектеп салынады.

Естеріңізге сала кетейік, биыл наурыз айының басында Оқу-ағарту министрі Ғани Бейсембаев биыл сыбайлас жемқорлықтан алынған және білім беру инфрақұрылымын қолдау қорына түскен қаражатқа 70-тен астам білім беру мекемесін салу жоспарланып отырғанын айтқан болатын.