ШҚО әкімі Даниал Ахметов өзінің тұрғындармен онлайн-есептік кездесуінде студент жастардың өмір сүру жағдайларын жақсарту үшін жүргізіліп жатқан жұмыстарды айтты, деп хабарлайды Алтайньюс тілшісі.

Өткен жылы елдегі ахуалға, пандемияға байланысты білім саласында көптегер өзгерістер болғаны белгілі. Соның ішіндегі өзекті мәселелердің бірі – қашықтықтан оқу жүйесі болды.

-           Білім беруде оқушыларды қашықтан оқытуды ұйымдастыру үшін 2020 жылы 34 мың бірлік компьютер сатып алынды. Нәтижесінде компьютерлік техникамен қамтамасыз ету жыл басында 1 компьютерге 6 оқушыдан болса, қазір 4 оқушыға қысқарды.

Сондай-ақ балалар интернет желісімен және роутерлермен де қамтамасыз етілген.

Ағымдағы жылы Елбасының бес әлеуметтік бастамасын іске асыру аясында облыста студент жастардың өмір сүру жағдайларын жақсарту үшін жұмыстар белсенді жүргізіліп жатыр.

-           Колледждерге арналған 7 жатақхананы пайдалануға беру жоспарланған. Оның ішінде 1188 орындық 4 жатақхана пайдалануға берілді, 348 орындық 2 жатақхана құрылысы жүргізілуде. 2021 жылы Өскеменде 244 орындық көпсалалы технологиялық колледж үшін жатақхана құрылысы басталатын болады, - деп түсіндірді Даниал Ахметов.