Өскемендегі Ана мен бала орталығында оңалту бөлімі ашылды, деп хабарлайды Altaynews тілшісі.

Аталмыш бөлім балаларды ауыр отадан немесе қимыл-тірек аппараты, жүйке жүйесі, омыртқа, мидың түрлі жарақаттарынан кейін оңалтуға бағытталған. Тәулік бойы жұмыс істейтін стационар 50 орынға, күндізгі стационар 15 орынға арналған.

Балалармен әр түрлі дәрігер-мамандар жұмыс істейді: реабилитолог, невролог, психолог, травматолог-ортопед, тәрбиеші, нейрохирург, физиотерапевт, педиатр, емдік дене тәрбиесі бойынша инструктор, массажист.

Пациенттер облыстың барлық аудандары мен қалаларынан қабылданады. Оңалту курсынан өту үшін учаскелік дәрігерден жолдама алу қажет екен.