Үкімет отырысында Премьер-министр Мемлекет басшысы Қасым-Жомарт Тоқаевтың бағдарламалық сұхбаты Үкімет жұмысының негізгі басымдықтарын айқындап бергенін атап өтті. Оның айтуынша, Президенттің сұхбатында алдағы кезеңге арналған нақты мақсаттар мен міндеттер белгіленген. Осыған байланысты барлық орталық және жергілікті мемлекеттік органдар, сондай-ақ ұлттық компаниялар оларды сапалы әрі уақтылы іске асыру үшін бар күш-жігерін жұмылдыруы қажет, деп хабарлайды Altainews.kz.

Премьер-министр мемлекеттік органдардың жұмысында нәтижеге бағытталған тәсілге көшудің маңыздылығына тоқталды. Ол бюджеттік қаражатты барынша үнемдеп, нақты нәтиже беретін шешімдер қабылдауды тапсырды.

Сонымен қатар Премьер-министр Үкімет мүшелері мен орынбасарларына барлық берілген тапсырмалардың орындалу барысын өз бағыттары бойынша қатаң бақылауда ұстап, үйлестіруді тапсырды.

Фото: ҚР Үкіметі