«КАЖсервис» ЖШС филиалының мәліметінше, 2026 жылғы 6 қаңтар күні сағат 17:00-ден бастап Ресей Федерациясы аумағында ауа райының күрт нашарлауына байланысты республикалық маңызы бар бағытта жол қозғалысы шектетілді, деп хабарлайды Altainews.kz.

Бұрқасын, жол көрінуінің төмендеуі, қатты жел салдарынан «Алматы – Талдықорған – Өскемен – Шемонаиха – РФ шекарасы» автожолының 1194–1212 шақырым аралығында қозғалысқа уақытша шектеу енгізіледі.

Аталған учаскеде жолаушылар автобустарының, сондай-ақ тіркемесі және жартылай тіркемесі бар жүк көліктерінің қозғалысына рұқсат етілмейді.

Жол қозғалысына қатысушылардан ауа райы жағдайын ескере отырып, сапарларын алдын ала жоспарлау және қауіпсіздік талаптарын қатаң сақтау сұралады.