Ана мен бала орталығына шағын автобус тарту етті – ШҚО
«Казцинк» ЖШС Металлургтер күні қарсаңында облыстық Ана мен бала орталығына жаңа шағын автобус сыйға тартты.
Көлікті медициналық көмек алушылар мен қызметкерлер мекеме объектілері арасында жүріп-тұруы үшін пайдаланатын болады, деп хабарлайды Altaynews тілшісі.
– Ана мен бала орталығының ғимараттары бір-бірінен алшақ орналасқан. Сонықтан шағын автобус Өтепов, Қазыбек Би, Шәкәрім, Серікбаев көшелерінің бойындағы ғимараттар арасында дәрігерлер мен пациенттерді тасымалдау үшін арнайы бөлінді. Осылайша, пациенттер уақтылы қосымша диагностикадан өтіп, дәрігерлер шұғыл консилиумға жиналады. «Казцинк» ЖШС арқасында біз екі есе көп жолаушы сыятын, ыңғайлы және барлық қауіпсіздік талаптарына сай келетін жаңа шағын автобусқа ие болып отырмыз, – дейді мекеме директоры Жайық Жұмаханов.
«Казцинк» ЖШС өз кәсіби мерекелерін жыл сайын қала тұрғындарымен бірге атап өтуге тырысады.
– Біз жылда Металлургтер күні қарсаңында қалаға әлеуметтік маңызды үлес қосуға тырысамыз. Биыл Ана мен бала орталығына қолдау көрсетіп отырмыз. Бұл мекеменің барлығымыз үшін қаншалықты маңызды екенін атап өтпеу мүмкін емес. Себебі ақ халаттылар үшін әр минут шешуші рөл атқарады, – дейді "Казцинк" ЖШС әкімшілік мәселелер жөніндегі атқарушы директоры Андрей Лазарев.
Оқи отырыңыз
