Глубокое ауданында екі көлік қар құрсауында қалып қойды.

Көліктерде барлығы алты адам болған. Оның екеуі – бала, деп хабарлайды Altaynews тілшісі.

Облыстық төтенше жағдайлар департаментінің ақпаратына сүйенсек, 20 қарашада Сержиха және Кіші Уба өзендерінің түйіскен тұсында «Ниссан» және «УАЗ» маркалы автомобильдер қарда батып қалған.

Құтқарушылар оқиға орнына арнайы техникамен жетіп, жолаушыларға көмек қолын созды. Эвакуацияланған жолаушылар облыс орталығына жеткізілді.