Шығыс Қазақстан облысында қар құрсауында қалған жолаушылар құтқарылды, деп хабарлайды Алтайньюс тілшісі.

Құтқарушылар әуелі Омбы-Майқапшағай тасжолында қалың қардың құрсауында қалған жеңіл көліктегілерге көмекке келді.

– Қызметкерлер КУНГ автокөлігімен оқиға орынына жетіп, бұзылып қалған көлікті жөндеуге көмектесті. Осыдан кейін Көкпекті ауылына дейін жол бастап, жолаушыларды шығарып тастады, – деп мәлімдеді Төтенше жағдайлар департаментінің баспасөз қызметі.

Осыдан кейін құтқарушылар Семей-Қайнар тасжолында тұрып қалған көлікті қар құрсауынан шығарып, жүргізуші мен екі жолаушыға көмек көрсетті.