Өскемен: Сыныпты жөндеуге оқушылардан ақша жинағандар жазаланды
24 сәуір күні ШҚО сыбайлас жемқорлыққа қарсы қызметіне Өскемен қаласының №15 орта мектебінде оқитын баланың ата-анасы 1424 Колл-орталығы арқылы анонимді шағым түсірген.
Оның айтуынша, аталған мектепте оқушылардан сыныпты жөндеу үшін ақша жинаған, деп хабарлайды Altaynews тілшісі.
Айта кету керек, бұл факті Қазақстан Республикасының «Білім туралы» Заңының 63-бабына қайшы болып табылады.
Антикор қызметкерлері мектеп басшылығымен түсіндірме жұмыстарын жүргізіп, оның барысында ақша сыныптағы ата-аналардың бірінің бастамасы бойынша жиналғандығы анықталды. Нәтижесінде жиналған қаражат ата-аналарға толығымен қайтарылды, дейді ШҚО сыбайлас жемқорлыққа қарсы қызметі.
Сондай-ақ кінәлі тұлғалар сөгіс түрінде тәртіптік жауапкершілікке тартылды.
Оқи отырыңыз
