Өскемен: Автобус дөңгелегі кәріз құдығына түсіп кеткен
Фото: osa_uka_vko
Кеше кешке Ушанов алаңында №38 автобус дөңгелегі кәріз құдығына түсіп кеткен.
Абырой болғанда, оқиға орнында зардап шеккендер болған жоқ, деп хабарлайды Altaynews тілшісі.
Оқиға болған жерге дереу арада авариялық қызмет мамандары жіберілді. Сағат 22.00-ге дейін асфальт жабыны мен қираған жерді қалпына келтіру жұмыстары жүргізілді, деді «Өскемен Водоканал» баспасөз қызметі.
Десе де қала тұрғындары әлеуметтік желілерде қала көшелеріндегі кәріз құдықтарының жағдайы мәз емес екенін, тағы да осындай оқиғалар қайталануы мүмкін екенін жарыса жазып жатыр.
Оқи отырыңыз
