Жылқы мен көлік соқтығысып, жүргізуші көз жұмды – ШҚО
11 қыркүйек күні түнде Ұлан ауданының Айыртау ауылына жол-көлік оқиғасы болды, деп хабарлайды Алтайньюс тілшісі.
ШҚО ПД баспасөз қызметінің мәліметіне сүйенсек, Lada Granta автокөлігі жылқымен соқтығысқан. Жол апаты салдарынан 42 жастағы көлік жүргізушісі оқиға орнында көз жұмған.
- 1954 жылғы Lada Granta автокөлігінің жолаушысы ауруханаға жеткізілді. Қылмыстық кодекстің 345-бабының 3-бөлігі бойынша сотқа дейінгі тергеу жүргізілуде, - дейді ШҚО ПД баспасөз қызметі.
