14 сәуірде 13 сағат 40 минутта Күршім ауданындағы Құйған ауылында сиыр жол шетіндегі шұңқырға түсіп кетті.

Жануарға көмекке жедел түрде жергілікті құтқарушылар келіп жетті. Олар альпинистік жарақтың көмегімен жануарды алып шықты. Осымен жыл басынан бері құтқарушылар шұңқырға түсіп кеткен 3-ші сиырды құтқарып қалды.

ШҚО ТЖД мамандарының айтуынша, 2021 жылдың басынан бері өңірде құтқарушылар жедел жағдайға тап болған 23 жануарға көмектескен.