ШҚО-да жол апатынан 4 адам зардап шекті
“Шемонаиха — Усть-Таловка” тасжолында жол апаты болып, 4 адам зардап шекті.
Жол-көлік оқиғасы 17 қаңтар күні болған, деп хабарлайды Altaynews тілшісі.
— 50 жастағы LADA жүргізушісі жылдамдықты шамадан тыс асырып, көлік рөліне ие бола алмай, қарама қарсы бағытқа шығып кеткен. Нәтижесінде 57 жастағы жүргізуші басқарған Chevrolet Niva мен Lada көліктері соқтығысқан,- дейді ШҚО ПД баспасөз қызметі.
Жол апаты салдарынан екі жүргізуші мен екі жолаушы жарақат алып, бірден Шемонаиха аудандық ауруханасына жеткізілді.
Қазір аталған факті бойынша ҚР Қылмыстық кодексінің 345-бабының 1-бөлігі бойынша сотқа дейінгі тергеу жүргізілуде.
Оқи отырыңыз
