Шығыс Қазақстан облысында тағы да жол апаты болды.

Шемонаиха-Усть-Таловка тасжолының сегізінші шақырымында екі жеңіл көлік соқтығысты, деп хабарлайды Altaynews тілшісі.

Жол апатынан төрт адам зардап шекті.

«50 жастағы LADA жүргізушісі жылдамдықты асырып жіберген. Соның кесірінен Chevrolet Niva-мен соқтығысты. Екі жүргізуші мен екі жолаушы жарақат алды, адам шығыны жоқ», - деп мәлімдеді облыстық полиция департаментінің баспасөз қызметі.