Сауль Альварес пен Дэниэл Джейкобс Лас-Вегастағы кездесуі алдында өткен көз арбасу рәсімінде төбелесіп қала жаздады, деп хабарлайды Алтайньюс тілшісі.

Жекпе-жекті ерте бастап кеткен боксшыларды ұйымдастырушылар бірден ажыратып алды.

Айта кетсек, орта салмақта WBA және WBC тұжырымдары бойынша әлем чемпионы Сауль Альварестің салмағы таразыда 159,5 фунтты көрсетті, IBF титулының иегері Дэниэл Джейкобстың салмағы – 160 фунтты. Мексикалық боксшының салмағы өзінің қарсыласынан 227 граммға жеңіл болып шықты.

Естеріңізге сала кетсек, қазақстандық GGG-дің ең мықты екі қарсыласы Альварес пен Джейкобс бүгін рингте кездеседі. Жекпе-жек Лас-Вегастағы T-Mobile аренасында өтеді. Қазақстандықтар бұл шоуды Нұр-Сұлтан уақытымен 5 мамыр күні таңертең көре алады.