16 қараша күні «AMANAT» партиясының ШҚОФ жанындағы жастарды қолдау жөніндегі облыстық кеңестің отырысы өтті.

Кеңес мүшелері мен шара қатысушылары жастардың бос уақытын ұйымдастыру және спортқа деген қызығушылығын арттыруға бағытталған іс-шаралар кешенін өткізуге баса назар аударды. Сондай-ақ жас ұрпақты тәрбиелеуде әскери-патриоттық бағытты дамыту мәселесін қарады, деп хабарлайды Altaynews.kz тілшісі.

Өңірде балалар мен жастарды дене шынықтыру мен спортқа тарту бойынша жүйелі жұмыстар жүргізіліп жатыр.

Сондай-ақ, облыста өскелең ұрпақты әскери-патриоттық тәрбиелеуге де ерекше көңіл бөлінеді.

Мәселн, «QAISAR» жобасы аясында мерзімді қызметтегі әскери қызметшілер мен әскери-патриоттық клубтардың курсанттары арасында әскери-спорттық, әскери-патриоттық іс-шаралар өткізіледі.

Мерзімді қызметтегі әскери қызметшілердің әлеуметтік-тұрмыстық жағдайларымен танысу, жауынгерлік техниканы, қызметтік ит өсіру питомнигін көрсету мақсатында әскери бөлімдерге экскурсиялар ұйымдастырылады.

Кеңес мүшелері тарапынан көтерілген мәселелер бойынша сұрақтар қойылып, ұсыныстар берілді.