«Қазгидромет» РМК 24 тамызға арналған ауа райы болжамын жариялады, деп хабарлайды Алтайньюс тілшісі.

Солтүстік батыс антициклон әсерінен Қазақстанның басым бөлігінде жауын-шашынсыз ауа райы сақталады.

Республика бойынша кей жерлерде жел күшейіп, түнгі және таңғы уақытта солтүстікте, шығыста орталықта тұман түседі.

-        Түнде еліміздің солтүстігінде, орталығында, шығысында топырақ бетінде 2 градусқа дейін үсік сақталады, - дейді синоптиктер.

Қызылорда облысында, Түркістан облысының оңтүстігінде, шығысында, Батыс Қазақстан облысының оңтүстік-батысында, Атырау облысының шығысында, Абай облысының оңтүстігінде төтенше өрт қаупі сақталады.