Өскемендік тұрғын өзінің кәмелетке толмаған ұлына 2018 жылдың қыркүйегінен бастап алимент төлемеген.

Бүгінгі күнге дейін оның қарыз сомасы 400 мың теңгеден асып жығылды, деп хабарлайды Altaynews тілшісі.

Іздеу іс-шаралары барысында көші-қон қызметінің қызметкерлері 40 жастағы ер адамның Алматы қаласында жасырынғанын анықтаған. Сот өндірушілері алименттен жалтарған ер адамнан қарызды өндіріп алмақ.

ШҚО ПД баспасөз қызметінің мәліметіне сүйенсек, жыл басынан бері алимент төлемеген 70-тен астам адам анықталған.

Көші-қон қызметі атқарушылық құжатты орындамағаны үшін заңда әкімшілік (ҚР ӘҚБтК 669-бабы) және қылмыстық жауаптылық (ҚР ҚК 139-бабы) көзделгенін ескертеді.