KZ
Өскемен
+20°
небольшая облачность жел 2 м/с, З
459.75 494.14 5.54

Жүргізуші құқығынан айырылған ер адам мас күйде көлік тізгіндеген – ШҚО

31.10.2023, 11:13 198 Ләззат Қанатқызы

Бұрын жүргізуші куәлігінен айырылып, мас күйде көлік тізгіндеген Самар ауданының тұрғыны ұсталды.

Тәртіп сақшылары аудан көшелерін патрульдеу кезінде 38 жастағы жүргізушінің басқаруындағы "Мазда 626" маркалы көлік құралын тоқтатқан, деп хабарлайды Altaynews тілшісі.

Сараптама нәтижесіне сәйкес, ер адамда масаң болудың жеңіл дәрежесі анықталған. Сонымен қатар ол ағымдағы жылдың қыркүйек айында сот шешімімен жүргізуші куәлігінен 7 жыл мерзімге айырылғаны белгілі болды.

- Көлік мамандандырылған автотұраққа қойылды. Аталған факті бойынша ҚР ҚК-нің 346-бабы 1-бөлігімен сотқа дейінгі тергеу басталды. Жыл басынан бері өңірде 1 000-нан астам жүргізушінің масаң күйде көлік жүргізген. Оның 62-сі бұрын жүргізуші куәлігінен айырылған, - дейді ШҚО ПД баспасөз қызметі.

Сот қылмыскерге қатысты бес мың айлық есептік көрсеткішке дейінгі мөлшердегі айыппұл, сол мөлшердегі түзеу жұмыстары, бір мың екі жүз сағатқа дейінгі мерзімге қоғамдық жұмыстарға тарту, бес жылға дейінгі мерзімге бас бостандығын шектеу, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, сол мерзімге бас бостандығынан айыру жазаларының нақты біреуін айқындайды.


Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив