Ақжарда «Бір қабатты Шығыс» бағдарламасы бойынша 6 тұрғын үй салынбақ
Шартты сурет
Биыл Тарбағатай ауданына қарасты бірқатар ауылдарда «Бір қабатты Шығыс» бағдарламасы бойынша тұрғын үйлер салу жоспарланып отыр.
Ағымдағы жылы Ақжарда аталған бағдарлама аясында қоспәтерлі 6 тұрғын үй салынбақ, деп хабарлайды Altaynews тілшісі.
Бүгін аудан әкімі Дархан Шомпайұлы аудан орталығы Ақжар ауылының «Мектеп» ықшам ауданында «Бір қабатты Шығыс» бағдарламасы бойынша бой көтеретін қоспәтерлі 6 тұрғын үй құрылысының орнымен танысып, іргетасының алғашқы қазығын қақты.
"Аймақ басшысы Даниал Ахметовтің қолдауымен жаңадан салынғалы отырған бұл тұрғын үйлердің жалпы ауданы 920 шаршы метрді құрайды. Жаңа баспаналар баспанаға мұқтаж аз қамтылған және көпбалалы отбасыларға, сонымен қатар баспана кезегінде тұрған дәрігерлер мен мұғалімдерге аудандық тұрғын үй комиссиясының шешімімен берілетін болады", дейді аудан әкімдігінің баспасөз қызметі.
Сонымен қатар биыл Қарасу, Маңырақ, Тұғыл ауылдарына да «Бір қабатты Шығыс» бағдарламасы бойынша тұрғын үйлер салу жоспарланып отыр.
