Риддерге австриялық инвесторлар тау шаңғысы курортын салмақ
Фото: azattyq-ruhy.kz
Риддерде Азиядағы ең үлкен және әлемдік стандарттарға сәйкес келетін тау шаңғысы курорты салынбақ.
Осы аптада Риддер қаласына австриялық дизайнер-мамандар келетіні белгілі болды, деп хабарлайды Altaynews тілшісі.
«Анатау» деп аталатын демалыс орны 740 метр биіктіктегі «Проходной белок» тауында орналасады.
– Тау шаңғысы курортында әртүрлі деңгейдегі шаңғы трассалары мен "Могул" бағыты бойынша спортшыларды даярлауға арналған жолдар болады. Шамамен, 2-3 ай ішінде біз жоба бойынша жұмыстарды аяқтаймыз деп ойлаймын, – деді Риддер қаласы әкімінің м.а. Дархан Қосантаев.
Курорт Шығыс Қазақстандағы қысқы туризмді дамытудағы маңызды кезең болмақ. Құрылыс жұмыстары 2024-2025 жылдарға жоспарланған.
Оқи отырыңыз
