Елімізде халықты таза ауыз сумен қамтамасыз ету мәселесі жолға қойылып, мақсатты саясат жүргізіліп келе жатқанына көп жылдың жүзі болды. Оның аясында «Ауыз су», «Ақ бұлақ», «Өңірлерді дамыту», «Нұрлы жол» бағдарламалары қолға алынып, халықты сумен жабдықтау деңгейі артып келеді.

Мәселен, Тарбағатай ауданының әкімі Дархан Жөргекбаевтың айтуынша, 2025 жылы аудан тұрғындарын 100 пайыз таза ауыз сумен қамтамасыз ету жоспарланып отырған көрінеді, деп хабарлайды Altainews.kz тілшісі.

Ағымдағы жылы аудан бойынша су және кәріз жүйесі құрылыстары аясында 9 жоба жүзеге асырылмақ.

Сондай-ақ Ақжар ауылындағы кәріз жүйесін қайта жаңғырту жобасын аяқтауға «Ауыл-ел бесігі» бағдарламасы аясында 224,1 млн.теңге қаражат  бөліну жоспарланыпты.