Өскемен қаласының әкімдігі Тәуелсіздік күніне орай ел тарихында ізі қалған, айтулы еңбек сіңірген тұлғалардың тағдырынан сыр шертетін бейнематериалдарды ұсынуда.
Жақсылық Үшкемпіров 1951 жылы Жамбыл облысы, Тегістік ауылында дүниеге келген.
🔸1980 жылы ХХІІ Олимпиада ойындарында Мәскеуде жеңіске ие болды. Бірнеше рет Грек-рим күресінен КСРО біріншілігінің жеңімпазы, КСРО халықтарының VI жазғы спартакиадасының жеңімпазы.
🔸1981 жылы әлем чемпионы.
🔸1982 жылы әлем кубогінің күміс жеңімпазы.
🔸1974-1984 жылдар Қазақ КСР мемлекеттік спорт комитетінде нұсқаушы.
🔸1984 жылы Красноярск қаласында жалауын көтерген КСРО кубогында 33 жастағы Жақсылық Үшкемпіровты үлкен спорттан шығарып салу рәсімі жоғары деңгейде ұйымдастырылды.
🔸1984-1993 жылдар республикалық кәсіподақ комитетінің спорт мектебінің директоры.
🔸1993 жылдан «Жақсылық» спорт клубының директоры.
Қазақтан шыққан Олимпиада чемпионына әр қазақ төрінен орын берсе, соңынан ерген балуандар батырдың ерлігін қайталау үшін аянып қалар емес.
Грек-рим күресінен 29 жасында Олимп шыңын бағындырған тұңғыш қазақ баласы туралы кезінде Дінмұхамед Қонаев былай депті: «Мен тарихта қалармын, бәлкім қалмаспын. Бірақ бір «жапырақ» болса да ел мен жердің атын шығарған Жақсылықтай жігіттер қазақтың тарихында алтын әріппен жазылатыны сөзсіз».