Бесқарағай ауданына қарасты Беген ауылындың кіреберістегі автожолы орташа жөндеуден өткізілуде, деп хабарлайды Ataynews тілшісі.

Бұл туралы аудан әкімі Шалқар Байбеков әлеуметтік желідегі ресми парақшасында жазды.

- Беген ауылының кіреберіс автожолын орташа жөндеу бойынша жүргізіліп жатқан жұмыстарымен таныстым. Бүгінгі күні "ГорДорСтрой" ЖШС мердігерлік ұйымымен 3 шақырым жол жабынын асфальттау бойынша жұмыстар жүргізілді, жолды пішіндеу бойынша жұмыстар жалғасуда, - дейді аудан басшысы.

Тексеру барысында бірқатар ескертулер жасалып, Беген ауылдық округінің әкіміне асфальт төсеу бойынша жүргізіліп жатқан жұмыстарды бақылауға алып, жобаны мерзімінде аяқтау тапсырылды.