Тамыз айының басында Отан алдында әскери ант қабылдаған 5518 әскери бөлімінің жас сарбаздары енді Өскемен қаласы көшелерінде қоғамдық қауіпсіздік пен тәртіпті күзететін болады.

Алғаш жауынгерлік қызметке аттануға сапқа тізілген жас сақшыларды 5518 әскери бөлімі командирінің бірінші орынбасары-штаб бастығы майор Нұржігіт Молдақұлов құттықтап, сәттілік тіледі. Салтанатты шарада 1-20 шақырылым атынан қатардағы Шалқар Нұрмұхамбет әскери дайындық барысында тәжірибелерімен бөлісіп, жауынгерлік қызметтің қыр-сырын үйреткен өз командирлеріне алғысын білдірді.

-Бізге бір ай көлемінде теориялық ілім беріп қана қоймай, қоғамдық қауіпсіздікті күзету бойынша жауынгерлік қызметте қажетті практикалық тәжірибеден де өттік, - дейді қатардағы Шалқар Нұрмұхамбет.

Жауынгерлік қызметке түсуге берілген бұйрықтан кейін жеке құрам қызмет орындарына аттанды.

Бағдат Амангелді,
«Шығыс» өңірлік қолбасшылығының
баспасөз қызметі бастығы.