Өскеменнің Меновное ауылындағы орталық көшені жөндеу жұмыстары аяқталды, деп хабарлайды Altaynews тілшісі.

Бұл туралы қала әкімі Жақсылық Омар әлеуметтік желідегі парақшасында мәлімдеді.

Шоссейная және Ярославская көшелерінде асфальт жабыны толық ауыстырылып, жиектастар қойылды, аялдама алаңшалары жасалған екен.

-  Бұл учаскеде 5 жылдай жөндеу жұмыстары жүргізілмеген. Мұндағы көшелерде алғаш рет тротуарлар жасалды. Шоссейная көшесі үш жолаққа кеңейтіліп отыр. Жолдың жөндеуден өткен бөлігіне белгілер қойылды, - дейді шаһар басшысы.