Орталық коммуникациялар қызметінде коронавирустық инфекцияның таралуына жол бермеу жөніндегі брифинг барысында ШҚО әкімінің орынбасары Шәкәрім Бұқтұғұтов облыс ауруханаларын жабдықтау деңгейі туралы айтты.
Облыстың барлық жұқпалы аурулар стационарлары вирусты емдеу үшін қажетті құралдармен жабдықталған. Ауруханаларда 630 ӨЖЖ аппараты, 113 рентген аппараты, мыңнан астам оттегі концентраторлары бар. Реанимациялық төсек-орындарды жабдықтау үшін 57 гемодинамикалық монитор, 158 кереует жанындағы монитор, 50 инфузиялық сорғы, 165 перфузор, 200 пульсоксиметр, екі балалар ИВЛ, 200 көпфункционалды төсек, үш ЭКМО сатып алынды. Ауруханаларда дәрі-дәрмектердің жеткілікті қоры бар. Стационарлардағы төсектер толық жүктелген жағдайда дәрі-дәрмектер екі айға жеткілікті. Сонымен қатар, жоғары сұранысқа ие дәрілік заттардың тұрақтандыру қоры құрылды. Онда антикоагулянттар, вирусқа қарсы, ыстықты түсіретін препараттар және жеке қорғаныс құралдары бар.
Пандемия кезеңінде Шығыс Қазақстан Қытай Халық Республикасы, Ресей Федерациясы, Швейцария, Германия, Жапония, Грузия сияқты мемлекеттерден дәрілік препараттар мен жеке қорғаныш құралдары түрінде бірнеше рет гуманитарлық көмек алды.
Бұл шаралар 30 588 науқасты емдеуге мүмкіндік берді. Инфекциялық стационардан 20 933 пациент жазылып шықты. 9 мыңнан астам адам амбулаториялық емдеуді аяқтады. ШҚО-ның тағы 8,5 мың тұрғыны ковидті пневмониядан айыққан. Алайда, пандемия кезеңінде аймақта 429 адам коронавирустан, 146 адам ковидті пневмониядан қайтыс болды.