Шығыс Қазақстан облысында жол апатынан екі адам қаза тапты, деп хабарлайды Алтайньюс тілшісі.

Жол-көлік оқиғасы Семей аумағында Шар қаласынан 15 шақырым қашықтықта болған. Тасжолдың қарсы жолағына шығып кеткен «Mazda» жүргізушісі «Toyota» маркалы көлікпен соқтығысқан.

- «Mazda» автокөлігінің жүргізушісі мен 65 жастағы жолаушы әйел оқиға орнында қайтыс болды.  «Toyota» жүргізушісі мен ондағы 4 жолаушы түрлі дене жарақатымен ауруханаға жеткізілді, – деп мәлімдеді ШҚО полиция департаментінің баспасөз қызметі.

Аталмыш факті бойынша ҚР ҚК-ның 345 бабы 4 тармағына сәйкес сотқа дейінгі тергеу жұмыстары жүріп жатыр.