23 мамырдан бастап ШҚО аумағында ірі және көпшілік жиналатын нысандардан бөлек басқа мекемелердің барлығы жұмысына қайта кіріседі, деп хабарлайды Altaynews тілшісі.

Бұл туралы облыстың бас санитар дәрігерінің №10-шы Қаулысында айтылған.

Қаулыға сәйкес, карантин 1 маусымға дейін сақталады. Дегенмен, көптеген мекемелер жұмысын бастай алады.

Ашылуға әлі ерте деп табылған мекемелер мен нысандар:

- Азық-түліктік емес тауар сататын көтерме-бөлшек және бөлшек сауда нысандары, ірі сауда нысандары мен кешендері, сауда-ойын-сауық орталықтары, аумағы 2000 ш.м.-ден асатын сауда үйлері;

- Өскемендегі отбасылық демалыс орталықтары;

- Ғимараттың ішіндегі әмбебап және азық-түліктік емес базарлар;

- Кинотеатрлар, кинозалдар мен театрлар;

- Қоғамдық моншалар, сауналар;

- Ғимараттың ішінде орналасқан, сыйымдылығы 30 адамнан көп қоғамдық тамақтану орындары;

- Спорттық-сауықтыру нысандары, бассейндер (оқу-жаттығу процесстеріне арналғандардан бөлек);

- Түнгі клубтар, би кештері, бар, караоке, кальян шегетін орындар;

- Мәдениет нысандары (жеке және 30 адамнан аспайтын топпен репетиция жасауға рұқсат етіледі);

- Білім беру орталықтары, үйірмелері, артклубтар.