ШҚО-ның бас санитар дәрігерінің қаулысына сәйкес, 18 мамырдан бастап карантин кезінде жабылған бірқатар мекемелер қайта ашылады, деп хабарлайды Altaynews тілшісі.

Жұмысын бастайтын мекемелер сағат 17.00-ге дейін және алдын ала жазылу бойынша қызмет көрсетеді екен.

Атап айтқанда, 18 мамырда:

-компьютер, тұрмыстық техника, құрал-жабдықтар сату мен жөндеу бойынша салондар;

-құрылыс материалдарын бөлшек сату бойынша сауда орындары;

-химиялық тазалау, кір жуу қызметтерін көрсететін мекемелер;

-түсті және қара металл қабылдайтын пункттер;

-ашық алаңдардағы спорттық нысандар (адамдар арасында 2 метр ара қашықтық сақталу керек);

-автосалондар;

-ломбардтар;

-қоғамдық тамақтану орындары (мейрамханалар, дәмханалар, банкеттік залдар, асханалар, донерлер мен барлар) тапсырыс бойынша жеткізу арқылы жұмыс істейді.

Ары қарай жұмыс режиміне көшу үшін қосымша қаулы шығарылады.