Өскеменде қоғамдық көліктердің 70 пайызы жүріп тұр, деп хабарлайды Алтайньюс тілшісі.

Қала тұрғындары қоғамдық көліктердің аздығын айтып шағымдануда. Қала әкімі бұған жауап ретінде:

– Карантинге дейін қоғамдық көліктердің саны 280 болатын. Қазір қала ішінде 199 автобус қатынайды. Яғни көліктердің 70 пайызы қызмет көрсетуде. Сондай-ақ 60 шағын автобустың 56-сы жүріп тұр. Күн сайын жолаушылар санына қарай автобустар қатары біртіндеп толығып жатыр. Маусымның басында қоғамдық көліктер түгел жолға шығады, – деп мәлімдеді.