Риддерде бүгін түнде көпқабаттың үйде өрт шықты, деп хабарлайды Altaynews тілшісі.

Сағат түнгі 3:20 шамасында өрт сөндіру қызметіне хабар түседі. 9 қабатты үйдің 9-ші қабатындағы пәтер өртенген екен. Көршілердің бірі дер кезінде өртті байқап қалып, көмек шақыртқан.

Оқиға орнына келіп жеткен өрт сөндірушілер бірден 90 тұрғынды, оның ішінде 15 баланы қауіпсіз жерге көшірді.

Өртеніп жатқан пәтерде ешкім жоқ болып шықты, сондықтан өрт сөндірішлерге есікті бұзып кіруге тура келді. Жалын 20 минут ішінде сөндірілді. Өрттің жалпы аумағы 22 ш.м. құрайды.