Бүгін түнде облыс орталығының ішіндегі посттар жұмысын тоқтатады, деп хабарлайды Алтайньюс тілшісі.

Шығыс Қазақстан облысында 16 мамырдан бастап шектеу шаралары жұмсаратыны туралы жаздық. Ал полиция департаменті бүгін түнгі 00.00-де қала ішіндегі посттар алынатынын мәлімдеді. Сондай-ақ төтенше жағдай кезінде қатаң бақылауға көшкен жаяу патруль де жұмысын тоқтатады.

Ал алдағы аптадан бастап тұрғындар рұқсаттамасыз және 21.00-ден кейін көшеде жүре алады.

Естеріңізге салайық, коронавирус инфекциясының таралуына байланысты 6 сәуірден бері Өскемен және Семей қалаларының ішіндегі қозғалыс шектелген болатын.