ШҚО-да коронавирус жұқтырудың тағы бір жағдайы анықталды, деп хабарлайды Altaynews тілшісі.

Әзірге науқастың қай қалада тіркелгені туралы нақты ақпарат жоқ. Дегенмен, әлеуметтік желі арқылы таралып жатқан бейресми ақпараттарға сүйенсек, коронавирус жұқтырған науқас Өскемен қаласының тұрғыны екен.

Бұл жағдайға қатысты алдағы уақытта ШҚО Денсаулық сақтау басқармасының басшысы Ілияс Мұхамеджан толыққанды ақпарат беретін болды.

Өткен аптада ШҚО-ның Семей қаласында коронавирус жұқтырған екі адамның тіркелгенін еске саламыз.