Қазақстанда медицина қызметкерлерінің COVID-19 вирусын жұқтыру жағайлары тіркелді, деп хабарлайды Altaynews тілшісі.

Бұл туралы еліміздің бас мемлекеттік санитар дәрігері Айжан Есмағамбетова мәлімдеді.

- Өкінішке орай, медицина қызметкерлерінің коронавирус жұқтыру жағдайы үш аймақта тіркелді: Алматы, Нұр-Сұлтан, Қарағанды. Оларды қорғау науқастарды емдеуде табысқа жетудің кепілі болып табылады, - деді бас санитар дәрігр онлайн-брифинг барысында.

Бұған дейін Денсаулық сақтау министрі елжан Біртанов Нұр-Сұлтанның онкологиялық орталығында медициналық қызметкерлердің коронавирус жұқтырғаны туралы хабарлаған еді.