Өскемен тұрғындары қалада қосымша шектеу шаралары енгізілгенін қолдайды, деп хабарлайды Алтайньюс тілшісі.

– Мен аспазбын. Донер дайындаймын. Алайда біз енді тек онлайн тапсырыс қабылдайтын болдық. Себебі, білесіздер, қосымша шектеу шаралары енгізілді. Облыс әкімінің бұл қадамын құптаймыз. Өйткені адамның денсаулығы, – баға жетпес байлық қой. Барлық талапты бұлжытпай орындасақ қана, бұл ауыртпалықты артқа тастаймыз. Әлі-ақ сүйікті клиенттерімізбен қайта қауышамыз, – дейді бас аспаз, қала тұрғыны Мұса Жеңісұлы.