Бүкіләлемдік ғалымдар қазіргі қауіпті коронавируспен күреске кіріскені белгілі. Осы орайда британиялық ғалымдар екі түрлі тест ойлап тапты. Қос тесттің бірі таралған инфекцияны, екіншісі қазіргі вирустық ахуалды анықтайды. Бірақ тестті өткізетін мамандар жетіспейді. Бұл туралы Ұлыбританияның The Guardian газеті жазды, деп хабарлайды Egemen Qazaqstan.
 

Ғалымдар өздері әзірлеген екі түрлі тест жинағын қолданатын бағдарламалар көмегімен аурудың елге қалай әсер ететінін, таралатынын болжауға болатынын айтады. Зерттеушілер тобы инфекцияның жаңа жағдайлары қайда және қашан пайда болатынын тезірек түсіну керектігін атап өтті. Сонымен қатар ғалымдар аурудың келесі айлардағы ахуалын түсіне алатындай етіп, алдын-ала анықтамай, оны жұқтырған адамдарды анықтау өте маңызды екенін жеткізді. Екі бөлек тест осы жеке мақсаттарға қол жеткізуге мүмкіндік береді.

Бірінші санаттағы адамдарды - жаңадан жұқтырған адамдарды анықтау үшін медициналық персонал адамға вирустық бөлшектерді таба алатын ПТР, яғни полимеразды тізбекті реакцияны (PCR – Polymerase Chain Reaction) тесттен өткізу керек. Тест коронавирустың гендік тізбегін анықтайды, содан соң оңай табуға болатын бірнеше көшірме жасайды.

Бат университетінің ғалымы Эндрю Престонның айтуынша, тесттің вирусты анықтауда өте тиімді болғанымен, оның тиімділігі медицина қызметкерлерінің науқастардан, мұрын мен жұлыннан қаншалықты жақсы тест алуына байланысты.

Айта кетейік, Ұлыбритания үкіметі қазір Оксфорд университетінің ғалымдары тексерістен өткізіп жатқан тесттердің 3,5 млн данасын сатып алатынын жариялады.