Өскеменнің Ахмер кентінде орналасқан «Отбасы үлгісіндегі балалар ауылы» мекемесінде тәрбиеленуші жасөспірімдер жоғалып кетті, деп хабарлайды Altaynews тілшісі.

Аптаның басында аталмыш мекеменің екі тәрбиеленушісі жоғалып кеткен болатын. 12 және 17 жастағы екі жеткіншек бір тәуліктен кейін қала шетінен табылған еді.

Бүгін «Балалар ауылының» тағы екі тәрбиеленушісіне іздеу салынғаны туралы ақпарат тарады. Артур Кирдянкин мен Милена Повзунның жасы 12-де. Екеуі 13 ақпан күні түнгі уақытта мекемеден жасырын шығып, белгісіз бағытта кетіп қалған.  Содан бері бір ай уақыт. Екі жеткіншек туралы еш хабар жоқ.

Артур мен Милена туралы қандай да ақпараттарыңыз болса, 102 немесе 8-771-466-54-38 номеріне хабарласуларыңызды сұраймыз.