Бүгін ШҚО-ның кей аудандарында қатты дауылдың салдарынан мектептерде сабақ тоқтатылды, деп  хабарлайды Altaynews тілшісі.Бұл туралы ШҚО Білім басқармасы мәлімдейді.

Семейде жел екпіні 8-10 м/с жылдамдықпен соғып тұр. Осыған байланысты бірінші ауысымдағы 1-11 сынып оқушыларына және колледждің 1-2 курс студенттеріне сабақ болмайды. Сондай-ақ, Ұлан ауданында  бірінші ауысымдағы 1-11 сынып оқушыларына, Жарма ауданының 1-11 сыныптарына, Аягөз ауданындағы 1-11 сынып оқушылары үшін сабақ тоқтатылды.