Өскеменде «Spelling Bee» атты ағылшын тілінен байқау өтеді, деп хабарлайды Аltaynews тілшісі.

Байқау шарты оп-оңай, тек қана ағылшын тілін жақсы біліп, қатесіз жазсаңыз болғаны. Сайысқа шаһар тұрғындары мен студенттері қатысады яғни жасқа шектеу жоқ. Осымен төртінші рет өткізіліп жатқан байқауды Қазақстандағы АҚШ Елшілігі ұйымдастырады. Шара ұйымдастырушыларының айтуынша, бірінші және екінші орын иелері Нұр-Сұлтанда өтетін ұлттық байқауға жолдама алады. Байқауға тіркелу 9 ақпан күні сағат 13:00-де басталады. Ал қатысу тегін. Ендеше қапы қалмаңыз.

Өтетін орны: А.С.Пушкин атындағы облыстық кітапхана.