Бүгін Өскемендегі Степная көшесінде ірі өрт шықты, деп хабарлайды Altaynews тілшісі.

Бұл туралы қалалық Төтенше жағдай басқармасының баспасөз қызметі мәлім етті.

«30 қаңтарда сағат 11:10 кезінле Степная көшесіндегі май зауыытының территиориясында өрт шықты. Оқиға орнында 12 техника мен 50-ден астам өрт сөндіруші жұмыс істеуде. Өрттің аумағы 200 шаршы метрді құрайды,» - деп жазды баспасөз қызметі.

Анықталғандай, қоймалардың шатыры өртенген екен.

Соңғы ақпаратқа сәйкес, қазір өрттің аумағы 500 шаршы метрге жеткен. Өрт сөндіру жұмыстарына 60 адам мен 19 техника жұмылдырылды.