Өскеменде «City Center» супермаркетінде өрт шықты, деп хабарлайды Altaynews тілшісі. Бұл туралы қалалық төтенше жағдайлар қызметі мәлім етті.

Оқиға 4-ші қараша күні, сағат 14:40 шамасында болған. Өрттің жалпы ауданы 60 шаршы метр. Жалынды ауыздықтау үшін 13 техника мен 50 адам жұмылдырылды. Құтқарушылар келген бетте 132 адамды сыртқа шығарған. Әзірше өрттің неден шыққаны белгісіз.